الى متى ؟؟؟؟؟؟

الـــــــــــــــــــــــــى متــــــــــــــــــــــــــى
إلى متى والهـوى حاكـم.. وحنـا عبيـد
إلـى متـى نـتـرك اهـوانـا تسيـرنـا

إلـى متـى تحلـم أنفسنـا بعمـر مديـد
وذنوبنـا كـل مـا نكـبـر تحاصـرنـا

من حاسب النفس وانذرها العـذاب الشديـد
مـن قـال لا للتـمـادي فــي تكبـرنـا

من قال يانفـس مالـك غيـر درب وحيـد
لـو غرنـا المـال والهـانـا تكاثـرنـا

منهو اللي منا تمنى يمـوت موتـة شهيـد
منهـو اللـي فكـر بماضينـا وحاضرنـا

كيف اننـا مـن تجـارب غيرنـا نستفيـد
دام اننـا فـي سعـة والـرب ساتـرنـا

إلى متـى نشعـر ان المـوت عنـا بعيـد
هـل ننتظـر لحظـة فيـهـا يباشـرنـا

ما حرك قلوبنـا (مـا كنـت منـه تحيـد)
أو سكـرة المـوت.. لـو فيهـا تدبـرنـا

والفاظنا اللـي يسجلهـا رقيـب(ن) عتيـد
مـا والله انـه يبـي يـاخـذ بخاطـرنـا

في ذلك الوقت يـا أمـا شقـي أو سعيـد
واعمالـنـا تنتظـرنـا فــي مقابـرنـا

أعمالنا كنها فـي ايديـن ساعـي البريـد
أمـا خـذ ارباحـنـا ... والا خسايـرنـا

صحيح مابـه جديـد ولـو بقـول وبعيـد
لكـن حـنـا بحـاجـة مــن يذكـرنـا

إلى متى ؟ كيف ؟منهو ؟ من ؟ وماذا نريد ؟
يامـا... ويامـا.. تكـرر فـي منابـرنـا

نمسي عليها ونصبح حولهـا مـن جديـد
نسمـع.. ولا كـن جانـا مـن يحـذرنـا

نسمع بشاير ونسمع ماذكـر فـي الوعيـد
وكـل هــذا ... ولا حــرك ضمايـرنـا

يارب رحمتك ... واحنـا كلنـا لـك عبيـد
لطفـك وعفـوك ومـن نـورك تنـورنـا

واجعل عملنـا لوجهـك... نستفيـد نفيـد
وبسـنـة المصطفـى...نـور بصايـرنـا

واحسن لنا الخاتمة من بعـد عمـر مديـد
وبجـنـة الخـلـد يـاربـي تبـشـرنـا

صح السانك يالغلا
ومشكوره وماقصرت والله ابداع

وكفيتي وفيتي والله يعطيك الف عافيه

وشكراً

ودمتي لنا